Тодбэхийн сараачил

Гуниг дагасан шөнийн уйтай мөчүүдэд

Гутрал чирсэн хайрын дурсамж хөврөх юм

Гундаж яваагүй сэтгэл зүрхний минь хүч

Гуйвж бас сэмрээд юм үлдэх шинжгүй ээ

Хайрлаж явахсан гэсэн бодолдоо

Хамаг бие минь дүрэлзэн асаж

Хатан бүсгүй төрхөнд чинь сэтгэл алдан шунаж

Харанхуй шөнийг умартаад шүлэглэж суух нь юун бэ

Догдлон байж чамайг хараад санаа алдан тайвширдагсан

Дорд муу үзэгдсэн ч хамаагүй дэргэд чинь л байхаар сайхансан

Дусал дуслаар нулимс бөмбөрөөд чамайг бас үддэгсэн

Дуу дуулан тайвшрах гэж дутуу хагас аялдагсан

Чиний үгийг хүлээсэн хоног өдрүүдийн уртыг яана

Чин зүрхнээсээ хайрласан цаг хугацаа богинийг яана

Чимээгүйхэн чамайг мөрөөдсөн он тооллын үргэлжлэхийг яана

Чирэгдэж бас сэмрэх зүрх сэтгэлийн шаналалыг яана

Би чинь тэгэхээр яанам бэ?